ياللي زعلت ازعل ولاني مراضيك
اشرب كدر ماي البحر كانه ارضاك
لاتحسب اني عقب صدك بداريك
بعز نفسي عنك مااداريك مااداريك
اربع سنين انامتحمل تغليــك
راضي بتعذيبك لاجل قلب اغلاك
وخليتني واليوم والله لاخليـــك
وادوس قلبي لنه يقول خلاك
قبل توريني الحساير بوريــــك
ليما يقال فلان هانك ووراك
كانك تحداني فانا اقبل تحديــك
وانسا الغرام الي مضا واتحداك
ماني بقايلك عسا الله يهنيــك
الله يحرمك كل ماكان هنٌـــاك
عسا العما ياخاين العهد يعميـك
فوق الغرور الي عن الماضي اعماك
وعساك ماتسمع قريب يناديـك
حيثك تجاهلت صوت محروم ناداك
وعسا الشلل يعوق رجل تميك
لينك تندم ليش غيرت ممشاك
وعسا حياتك بس فرحه لشانيـك
يلقا بهالفرصه عدوك ويشناك
وعسا الليالي الي تجيني بطاريك
يصبح عليها الصبح وتموت طرياك
وعسا المنام وكل راحه تجافيــك
آمين حتى الي تمناه يجفاك
وعساك ماتفرح وتكثر بلاويــــــــك
وامك تشق الجيب من عظم بلواك
ولامت جعلك في جهنم تصاليــك
نار الجحيم ونار دنياك تصلاك
الله يكرّه فيك حتى دوانيــــك
غشاش خاين مَن من الناس داناك
هذي النهايه روح والله يجازيـــك
امسك ويومك عنهم الغد يجزاك
السبت أغسطس 04, 2007 1:05 pm