يخسي قلبي ان كـان لاجلـك يذلنـي
الحب ماهـو مذلـة انسـان لانسـان
ما انخلق بعده لي تحت رجلـه يحطنـي
ولا انخلق ياللي عشانه نفسي تنهـان
ظنيت فيك حب صادق ..شوق وتمنـي
ظنيـت قلبـك كلـه مودة وحنـان
ويـالاسـف خــاب فـيـك ظـنـي
أثرك مـا تعـرف الحـب يـا فـلان
اوهمتني بـه ونيتـك أصلا تذلنـي
وانا عطيتك حب من خافـي الوجـدان
توني عرفت انه حبي لك غلطه علمتني
أفكر بعقلـي قبـل قلبـي والاعيـان
يالله توكل .. روح ماعاد أمرك يهمني
صرت يالمحبوب في صفحـة النكـران
لا تظن في يوم احن لك ولا حبك يردني
لا والذي سـواك مـا رد للـي كـان
لاتذرف الدمع ولا تقول انـك تحبنـي
عمر المحبة ماكانـت مذلـة وحقـران
يخسي قلبي ان كـان لاجلـك يذلنـي
نفسي عزيزة رافضـة فيـوم تنهـان
السبت أغسطس 04, 2007 1:52 pm