هــــــــلا بكــــــل من قرا الموضوع ..
شـــــــــــــــــــــــباب وصبـــــــــــــــايا...
سلااااااااااااااااااااام للبنوتــــــات الحلوات تقريبا يخصــــكم ..بس مافيه مـــانع من مشاركة الـــــكل
ابي كل وحده تتخيل نفسها انها تطيح بهالموقف وتقول وش بتسوي ؟!!
تخيلي مره طلعتي كشته مع الأهل وطبعاً في البر .. ورحتي مع البنات لمكان بعيد عن مخيمكم لنفرض ورى الطعس وبعد فتره طويله قالو لكم الصغار يلا بنروح وقمتو ورجعتو تشيلون عفشكم .. وتذكرتي انك نسيتي غرض في مكانكم البعيد .. ورحتي لحالك تدورينه وبعد جهد جهيد لقيتيه وشقيتي الحلق بإبتسامه ويوم رجعتي لمكان اهلك شفتيه فاضي ومافي احد وانتي تدورين بعيونك ( وينهم ؟!! ) واهلك على بالهم انك بالسياره الثانيه والسياره الثانيه على بالهم انك مع اهلك .. وجاء وقت المغرب اللي يخوف وانتي ماحولك احد وقعدتي بمكانك تنتظرين يمكن يرجعون بس للأسف جاء الليل ولا رجعو لك ولا معك جوال ( ملاحظه هالبر مسافة ساعتين او اكثر ) المهم بدى السكون يعم المكان
وفجأه ....
سمعتي صوت كلاب وبدى الخوف يسري بجسمك وبكيتي بينك وبين نفسك ( وينهم معقوله نسوني ؟! )
وبعد فتره لمحتي خيمه بعيده وكانت منوره واستانستي وقلتي اكيد بيساعدوني ومشيتي ويوم وصلتي لمحتي انهم شلة شباب وعددهم اكثر من 10 ... وش بتسوين ؟؟
بتروحين لهم وتطلبين المساعده؟
والا بترجعين لمكانك عند الكلاب ؟
والا ايش؟
( وانشاالله ماتطيحون بهالموقف )
ارجو الرد ..
السبت أغسطس 04, 2007 4:56 pm